Vegstikur 27. dags mánaðarins

 

Hann tók á sig mein vor 
og bar sjúkdóma vora.

Þá skal presturinn bjóða að taka fyrir þann, 
er lætur hreinsa sig, 
tvo hreina fugla lifandi, 
sedrusvið, skarlat og ísópsvönd.
Og presturinn skal bjóða 
að slátra öðrum fuglinum 
í leirker yfir rennandi vatni.
En lifandi fuglinn, 
sedrusviðinn, skarlatið og ísópsvöndinn 
skal hann taka og drepa því, 
ásamt lifandi fuglinum, í blóð fuglsins, 
er slátrað var yfir rennandi vatni. 
 Og hann skal stökkva sjö sinnum á þann, 
sem lætur hreinsa sig af líkþránni, 
og dæma hann hreinan, 
en sleppa lifandi fuglinum út á víðavang.

Svo bar við, er hann var í einni borginni, 
að þar var maður altekinn líkþrá. 
Hann sá Jesú, 
féll fram á ásjónu sína og bað hann: 
Herra, ef þú vilt, 
getur þú hreinsað mig.

Og hann kenndi í brjósti um manninn, 
rétti út höndina, snart hann og mælti: 
Ég vil, verð þú hreinn!
Jafnskjótt hvarf af honum líkþráin, 
og hann varð hreinn.