Vegstikur 15.dags mánaðarins

Guð er háborg mín.

  Drottinn er bjarg mitt og vígi, 
hann er sá sem hjálpar mér. 
Guð minn er hellubjarg mitt, 
þar sem ég leita hælis, 
skjöldur minn 
og horn hjálpræðis míns, 
háborg mín og hæli, 
frelsari minn,..

Drottinn er vígi mitt og skjöldur, 
honum treysti hjarta mitt. 
Ég hlaut hjálp, 
því fagnar hjarta mitt, 
og með ljóðum mínum lofa ég hann.

Því getum vér öruggir sagt:
 Drottinn er minn hjálpari, 
eigi mun ég óttast. 
Hvað geta mennirnir gjört mér?

 Drottinn er kringum lýð sinn 
héðan í frá og að eilífu.

Því að þú ert mér fulltingi, 
í skugga vængja þinna fagna ég.

Því að þú ert bjarg mitt og vígi, 
og sakir nafns þíns 
munt þú leiða mig 
og stjórna mér.