-3- Drottinn, bjarg mitt og vígi og frelsari minn, Guð minn, hellubjarg mitt, þar sem ég leita hælis, skjöldur minn og horn hjálpræðis míns, háborg mín!   

Sálmur 11

-Varðveit mig, Guð, því að hjá þér leita ég hælis. 1- Til söngstjórans. Davíðssálmur. Hjá Drottni leita ég hælis. Hvernig getið þér sagt við mig: Fljúg sem fugl til fjallanna!

Varðveit mig, Guð, því að hjá þér leita ég hælis. -2- Því að nú benda hinir óguðlegu bogann, leggja örvar sínar á streng til þess að skjóta í myrkrinu á hina hjartahreinu.-3- Þegar stoðirnar eru rifnar niður, hvað megna þá hinir réttlátu?

Varðveit mig, Guð, því að hjá þér leita ég hælis.-4- Drottinn er í sínu heilaga musteri, hásæti Drottins er á himnum, augu hans sjá, sjónir hans rannsaka mennina.-5- Drottinn rannsakar hinn réttláta og hinn óguðlega, og þann er elskar ofríki, hatar hann.-6- Á óguðlega lætur hann rigna glóandi kolum, eldur og brennisteinn og brennheitur vindur er þeirra mældi bikar.

Varðveit mig, Guð, því að hjá þér leita ég hælis.-7- Því að Drottinn er réttlátur og hefir mætur á réttlætisverkum. Hinir hreinskilnu fá að líta auglit hans.