Vegstikur  31. dags mánaðarins




Ekki með valdi né krafti, 
heldur fyrir anda minn! 
segir Drottinn allsherjar.

Hver hefir leiðbeint anda Drottins, 
hver hefir verið ráðgjafi hans 
og frætt hann?

 Guð hefur útvalið það, 
sem heimurinn telur heimsku, 
til að gjöra hinum vitru kinnroða, 
og Guð hefur útvalið það, 
sem heimurinn telur veikleika 
til að gjöra hinu volduga kinnroða. 

Og hið ógöfuga í heiminum 
og hið fyrirlitna hefur Guð útvalið, 
það sem ekkert er, 
til þess að gjöra að engu það, 
sem eitthvað er, 
til þess að enginn maður 
skuli hrósa sér
fyrir Guði.

Vindurinn blæs þar sem hann vill,
 og þú heyrir þyt hans. 
Samt veistu ekki, 
hvaðan hann kemur 
né hvert hann fer. 
Svo er um þann, sem 
af andanum er fæddur.

Þeir eru ekki af blóði bornir, 
ekki að holds vild 
né manns vilja, 
heldur af Guði fæddir.

Andi minn dvelur meðal yðar. 
Óttist ekki.

Eigi er yður búinn bardaginn, 
heldur Guði.

  Drottinn veitir ekki sigur 
með sverði og spjóti, 
því að bardaginn er Drottins, ..