Vegstikur 11. dags mánaðarins




 Ver eigi fjarri mér, 
því að neyðin er nærri, 
og enginn hjálpar.

Hversu lengi, Drottinn, 
ætlar þú að 
gleyma mér með öllu? 
Hversu lengi 
ætlar þú að 
hylja auglit þitt fyrir mér?
Hversu lengi 
á ég að 
bera sút í sál, harm í hjarta 
dag frá degi? 

Hyl eigi auglit þitt fyrir mér, 
vísa þjóni þínum eigi frá í reiði. 
Þú hefir verið fulltingi mitt, 
hrind mér eigi burt og
 yfirgef mig eigi, 
þú Guð hjálpræðis míns.

Drottinn er nálægur öllum sem ákalla hann, 
öllum sem ákalla hann í einlægni. 
Hann uppfyllir ósk þeirra er óttast hann, 
og hróp þeirra heyrir hann og hjálpar þeim.

Ekki mun ég skilja yður eftir munaðarlausa. 
Ég kem til yðar.

Sýnið enga fégirni í hegðun yðar, 
en látið yður nægja það, sem þér hafið. 
Guð hefur sjálfur sagt: 
Ég mun ekki sleppa af þér hendinni 
né yfirgefa þig.

Guð er oss hæli og styrkur, 
örugg hjálp í nauðum.

Bíð róleg eftir Guði, sála mín, 
frá honum kemur hjálpræði mitt.
Hann einn er klettur minn og hjálpræði, 
háborg mín 
ég verð eigi valtur á fótum.