Vegstikur 3. dags mánaðarins

Náð sé með yður ..
frá Jesú Kristi, ..

Hann elskar oss
og leysti oss frá syndum vorum
 með blóði sínu.

  Því að elskan er sterk eins og dauðinn,
 Mikið vatn getur ekki slökkt elskuna ...

 Enginn á meiri kærleik en þann
að leggja líf sitt í sölurnar
fyrir vini sína.

Hann bar sjálfur syndir vorar
 á líkama sínum upp á tréð,
til þess að vér skyldum deyja frá syndunum
og lifa réttlætinu.
Fyrir hans benjar eruð vér læknaðir.

 Í honum, fyrir hans blóð
eigum vér endurlausnina og
fyrirgefningu afbrota vorra.
Svo auðug er náð hans,
sem hann gaf oss ríkulega ...

 Þér létuð laugast,
þér eruð helgaðir,
þér eruð réttlættir
fyrir nafn Drottins Jesú Krists
.. fyrir anda vors Guðs.

 Þér eruð útvalin kynslóð,
konunglegt prestafélag,
heilög þjóð,
eignarlýður,
til þess að þér skuluð
víðfrægja dáðir hans,
sem kallaði yður
frá myrkrinu
til síns undursamlega ljóss.

Því brýni ég yður,
bræður, að þér,
vegna miskunnar Guðs,
bjóðið fram sjálfa yður
að lifandi, heilagri, Guði þóknanlegri fórn.
Það er sönn og rétt guðsdýrkun
af yðar hendi.